휘인 (Whee In) - [adagio] (Prelude ver.)

- តន្ត្រីរបស់ Wheein ដែលបង្ហាញក្នុងន័យថា ‘យឺតៗ ប៉ុន្តែដោយភាពស្ងប់ស្ងាត់’ Wheein ដែលតែងតែទាក់ទាញត្រចៀករបស់អ្នកស្ដាប់តាមរយៈទឹកដមសម្លេងដ៏លម្អិត និងប្លែកពីគេ នឹងត្រឡប់មកវិញជាមួយនឹង Single [adagio]។ [adagio] គឺជាពាក្យបច្ចេកទេសតន្ត្រីដែលមានន័យថា ‘យឺតៗ និងដោយភាពស្ងប់ស្ងាត់’ ដែលវាស្របទៅនឹងឥរិយាបថរបស់ Wheein ចំពោះតន្ត្រី។ មិនប្រញាប់ប្រញាល់ ប៉ុន្តែមិនដែលឈប់ឈរ។ គឺគ្រាន់តែផ្ដល់តន្ត្រីផ្ទាល់ខ្លួនរបស់នាងជូនពិភពលោកដោយភាពស្ងប់ស្ងាត់តែប៉ុណ្ណោះ។ ក្នុងនោះដែរ គំនិតរួមនៃអាល់ប៊ុមនេះបានបន្ថែមធាតុផ្សំបែបភាពយន្ត ដែលធ្វើឱ្យមានអារម្មណ៍ដូចជាបានចូលទៅក្នុងខ្សែភាពយន្តមួយអញ្ចឹង។ តថភាពនៃជីវិតដែលដូចជាភាពយន្តរបស់យើង ដែលតែងតែរង្គើនៅចន្លោះប្លង់មួយទៅប្លង់មួយ ហើយអារម្មណ៍ដែលមិនអាចពន្យល់បានយ៉ាងងាយ តែងតែស្ថិតនៅក្នុងចិត្តបានយូរ។ នៅក្នុងនោះ តាមរយៈអាល់ប៊ុមនេះ Wheein បានធ្វើឱ្យយើងនឹកឃើញដល់រូបភាពនៃបុគ្គលម្នាក់ ដែលបានឈរយ៉ាងរឹងមាំតែម្នាក់ឯងម្ដងទៀត បន្ទាប់ពីបានរំលឹកឡើងវិញនូវការឈឺចាប់ និងស្នាមរបួសដែលបន្សល់ទុកដោយសារសេចក្ដីស្រឡាញ់។ តន្ត្រីរបស់ Wheein ដែលបញ្ជូនមកយឺតៗ ប៉ុន្តែច្បាស់លាស់ នឹងបង្កើតបានជាទិដ្ឋភាពដ៏ជ្រាលជ្រៅមួយទៀត ដែលជ្រាបចូលទៅក្នុងចិត្តរបស់យើងតាមរយៈ [adagio]។