LEE JIN HYUK
1-SOLO ALBUM < S.O.L >
Solo ijrochi Lee Jin Hyukning mahobatli ilk qadami ‘I Like That’
▶ ALBUM : Quyoshdan ham issiqroq bo‘lgan Lee Jin Hyukning < S.O.L > albomi
“Kichik quyosh” Lee Jin Hyuk quyosh xudosi sifatida qaytdi.
Lee Jin Hyukning solo debütini e’lon qiluvchi birinchi solo albomi < S.O.L >, ispan tilidagi quyoshni anglatuvchi ‘sol’ so‘zidan ilhomlangan bo‘lib, odatda “kichik quyosh” deb erkalab chaqirilgan Lee Jin Hyuk va quyosh o‘rtasidagi bog‘liqlikni aks ettiradi.
‘PURE’ va ‘GOLD’ kabi ikki versiyadan iborat ushbu albomda Lee Jin Hyuk quyoshga intilgan pokiza yigit va quyosh xudosiga aylangan holda kutilmagan burilishni taqdim etdi.
‘PURE’ versiyasida quyoshga intilib, tabiat qo‘ynida hech qanday tashvishsiz yashayotgan yigit o‘rmonda topgan ko‘zgusida quyosh xudosini ko‘radi va ko‘z ochib yopguncha ko‘zgu orqali quyosh xudosi makoniga o‘tadi.
Buning aksi ravishda, ‘GOLD’ versiyasida quyosh xudosi va uning makoniga o‘tib, o‘zi intilgan quyosh kabi ko‘p odamlarning e’tiboridagi solo xonanda sifatida o‘sgan yigit qiyofasi namoyish etiladi. Yigit va quyosh xudosini bog‘lagan ko‘zgu orqali yigit bo‘lgan dunyo yana bir bor aks etib, aslida yigitning o‘zi quyosh xudosi bo‘lgani ishora qilinadi va albomning umumiy hikoyasi yakunlanadi.
Shuningdek, jami uchta trekdan iborat ushbu albomda Lee Jin Hyuk titul qo‘shig‘i ‘I Like That’ni ham olgan holda, barcha uchta trekning matnini yozishda ishtirok etib, o‘ziga xos his-tuyg‘ularini muhrladi.
▶ TITLE : Yolg‘iz emas, birgalikda ‘I Like That’
Lee Jin Hyukning titul qo‘shig‘i ‘I Like That’ kutilmagan rivojlanish va rang-barang tuzilishi bilan jozibador bo‘lib, unda Lee Jin Hyukning xonanda sifatidagi hayot yo‘li tasvirlangan.
Ko‘pchilikning mehrini qozongan hozirgi holatini aks ettirgan ‘I Like That’ orqali Lee Jin Hyuk o‘ziga qo‘llab-quvvatashini bildirgan barcha insonlarga kelajakda bosib o‘tadigan yo‘llarini yolg‘iz emas, balki birgalikda uchib o‘tishni taklif qilmoqda.
Bundan tashqari, kuchli va nafis harakatlarga boy ‘I Like That’ performansi bilan ayollar qalbini zabt etishga tayyorlangan Lee Jin Hyuk, qo‘shiq davomida to‘xtovsiz harakatlanuvchi dinamik tuzilishi bilan e’tiborni tortib, ta’sirli performansni yakunladi.
Naqorat boshlanishida ikki qo‘lni birlashtirib oldinga tushadigan ‘zina raqsi’ va ‘uchib-uchib’ (fly fly) so‘zlariga mos ravishda yengil sakrab yon tomonga harakatlanadigan ‘uchish raqsi’ kabi o‘ziga jalb qiluvchi nuqta xoreografiyalari tomosha qilish zavqini oshirdi.
▶ PHOTO & MUSIC VIDEO : Ikki makon, bitta hikoya
Lee Jin Hyuk pokiza yigit konsepsiyasidagi ‘PURE’ versiyasi va hashamatli quyosh xudosi konsepsiyasidagi ‘GOLD’ versiyasi bilan har xil jozibasini namoyish etib, tomoshabinlarga zavq bag‘ishladi.
Shuningdek, ko‘zgu orqali butunlay boshqa ikki xil konsepsiya bitta hikoyaga bog‘lanib, albomning umumiy mukammalligini oshirdi.
Hikoyaning bog‘lovchi halqasi bo‘lgan ko‘zgu ‘I Like That’ musiqiy videosida ham paydo bo‘ladi. Unda oppoq libosdagi Lee Jin Hyuk va yorqin chiroqlar ostidagi Lee Jin Hyuk ko‘zgu orqali bir-birini ko‘rishi tasvirlangan bo‘lib, bu esa Lee Jin Hyukning ushbu < S.O.L > albomi orqali namoyish etadigan turli qiyofalariga bo‘lgan kutishni yanada kuchaytirdi.
