‘Apink’ 9th Mini Album 【LOOK】
‘ငါ’ ကိုသာ အပြည့်အဝ အာရုံစိုက်ထားသည့် Apink ၏ ‘Dumhdurum’
ရှိရင်းစွဲအတိုင်းကို ပုံဖော်ပြသမည့် Apink ၏ ကိုယ်ပိုင်ပုံပြင်
ပြီးခဲ့သော ဇန်နဝါရီလတွင် Apink ၏ အကန့်အသတ်မရှိသော ဖြစ်နိုင်ခြေများကို သက်သေပြခဲ့သည့် ‘%%(응응)’ ပြီးနောက် ၁ နှစ်နှင့် ၃ လအကြာတွင် Apink သည် Mini Album အမှတ် (၉) 【LOOK】 ကို ဖြန့်ချိမည်ဖြစ်သည်။
ယခုအယ်လ်ဘမ် 【LOOK】 ၏ အလုံးစုံသော Concept ကို ‘ငါ’ ဟု သတ်မှတ်ထားပြီး၊ ‘ငါ့ရဲ့ ပုံစံအတိုင်း ငါ့ကိုယ်ငါ ချစ်ပြီး၊ ငါမြင်တဲ့အတိုင်း ငါရှင်သန်မယ်’ ဆိုသည့် အဓိပ္ပာယ်ကို ဖော်ဆောင်ထားကာ၊ အယ်လ်ဘမ်အတွင်းရှိ သီချင်းများကိုလည်း ‘ငါ’ အပေါ် အာရုံစိုက်ထားသည့် ဇာတ်လမ်းများဖြင့် ပုံဖော်ထားသည်။ ထို့အပြင် Apink ၏ ဆွဲဆောင်မှုများကို ပိုမိုပြသနိုင်မည့် Unit သီချင်းများလည်း ပါဝင်သောကြောင့် များစွာ မျှော်လင့်စောင့်စားစရာ ဖြစ်စေသည်။
Mini Album အမှတ် (၉) 【LOOK】 ၏ Title track ဖြစ်သော ‘Dumhdurum’ သည် ‘1도 없어’ နှင့် ‘%%(응응)’ တို့တွင် Apink နှင့် အံ့မခန်း လိုက်ဖက်မှုရှိခဲ့ပြီး Apink ၏ ပြောင်းလဲမှုများအတွက် အင်အားဖြစ်စေခဲ့သော Producer Black Eyed Pilseung နှင့် Jeon Gun တို့၏ သီချင်းဖြစ်ကာ၊ စွဲမက်ဖွယ် Melody နှင့် Synth lead တို့ ပေါင်းစပ်ထားသည့် Dance သီချင်းတစ်ပုဒ် ဖြစ်သည်။ ထွက်ခွာသွားသော အချစ်တစ်ခုရှေ့တွင် ငါ့နှလုံးသားက တည်ငြိမ်နေသည်ဟူသော ဖော်ပြချက်ကို ‘Dumhdurum’ ဟူသော စကားလုံးဖြင့် အသစ်အဆန်း ပုံဖော်ထားသည်။ စွဲမက်ဖွယ် Hook နှင့် Spanish ဆန်သော အရှေ့တိုင်း melody ခံစားချက်များက Apink ၏ အရောင်အသစ်ကို ပြသနေပြီး၊ အခြားသော ဆွဲဆောင်မှုများကို ပြသရန် လုံလောက်သော သီချင်းတစ်ပုဒ် ဖြစ်သည်။
Title track အပြင်၊ အချစ်ကို ချိုမြိန်သော အရသာအဖြစ် ပျော်ပျော်ပါးပါး ဖော်ပြထားသည့် R&B Dance သီချင်း “Yummy”၊ ပြီးခဲ့သော အချစ်၏ နာကျင်မှုများကို မေ့ဖျောက်ပြီး ငါ့ပုံစံအတိုင်း ရှင်သန်မည်ဟူသော စိတ်ဆန္ဒကို ဖော်ပြထားသည့် Chorong, Eunji, Namjoo တို့၏ Unit သီချင်း “Be Myself”၊ အချစ်တွင် ကျရှုံးနေသော စိတ်နှလုံးကို ချစ်စဖွယ် ဖော်ပြထားသည့် Bomi, Naeun, Hayoung တို့၏ Unit သီချင်း “Love is Blind”၊ အခြားသော အမှတ်တရများဖြင့် ဖုံးလွှမ်းလိုက်ပြီး လမ်းခွဲမှုရှေ့တွင် တည်ငြိမ်သွားသော ပုံစံကို အသေးစိတ် ဖော်ပြထားသည့် R&B Ballad သီချင်း “Overwrite”၊ ၉ နှစ်တာ အချိန်အတွင်း Apink နှင့် ပရိသတ်များ ဖန်တီးခဲ့သော အခိုက်အတန့်များကို သီဆိုထားသည့် ၉ နှစ်မြောက် Fan song “너의 모든 순간을 사랑해” နှင့် Debut ၈ နှစ်မြောက် အထိမ်းအမှတ်အဖြစ် ထုတ်ဝေခဲ့သော “Everybody Ready?” အထိ စုစုပေါင်း သီချင်း ၇ ပုဒ် ပါဝင်ပါသည်။
