Kim Mokin - 4-to'la albom [Saqlangan manzara]

Musiqachi Kim Mokinning qo‘shiqlari o‘zgacha. Uning yumshoq qiyofasi ortida yashiringan o‘tkir tahlillar tinglovchiga murakkab tuyg‘ularni baxsh etadi. U xotirjam ovoz bilan “Biz birga ovqatlanganimizni qarab, meni o‘zingizning odamingiz deb o‘ylamang”, deb boshqalarga nisbatan oldindan xulosa chiqaradiganlarning kutilmagan nuqtasiga uradi va “Men fashist bo‘lishim mumkin emas, axir men oddiy fuqroman, fashist bo‘lishim mumkin emas, shunchaki ba’zida tez jahl qilaman”, deb “oddiylik” so‘zi ortiga yashirinishga urinayotganlarning niqobini yulqadi. 2011-yilda debiut albomi [Musiqachining o‘z qo‘shiqlari]ni taqdim etgan Kim Mokin folk, folk-rok va pop janrlarini qamrab olgan musiqalar yaratdi. Shundan so‘ng u ikkita to‘liq albom [Bir dasta nigohlar (2013)], [Kollabo janobining bir kuni (2017)] hamda ko‘plab singllar va loyiha albomlarini nashr etdi. Uning uchinchi albomi [Kollabo janobining bir kuni] 2018-yilda Koreya ommaviy musiqa mukofotlarida “Yil albomi” va “Eng yaxshi folk albomi” nominatsiyalariga nomzolangan. Hamkasb musiqachilari uning ijodiga qadriyat bilan qarab, uni “musiqachilarning musiqachisi” deb atashgan. Bo‘rttirmasdan, lekin o‘rinli hazil-mutoyiba bilan kuylaydigan uning qo‘shiqlari oddiy ko‘ringan mavzularga noodatiy nuqtai nazardan yondashib, hayotning mohiyatini ochib beradi. 5 yillik tanaffusdan keyin taqdim etilgan Kim Mokinning to‘rtinchi to‘liq albomi [Saqlangan manzara] pandemiya tufayli to‘xtab qolgan davrda shahar ko‘chalarida sayr qilib guvoh bo‘lgan ma’noli sahnalarni musiqiy ifoda etgan. Tuyg‘ulardan ko‘ra ko‘proq fikrlarni ifodalagan avvalgi qo‘shiqlari bilan solishtirganda, ushbu albomdagi taronalar matni va musiqasi orqali psixologik manzaralarni tasvirlaydi. Albomni ochuvchi “Shahar sayri” taronasida uzoq vaqt oldin Han daryosi bo‘yida kechki payt kezgan lahzalar va issiq yoz kunlaridagi odamlarning qiyofasi aks etgan. So‘ngra xilma-xillikning qadri haqidagi “Farqli bo‘lish”, zamondoshlarining nihilizmi va muallifning kolleksiyachi sifatidagi ishtiyoqini birlashtirgan “Digging” taronalari yangraydi. Shuningdek, ist’dodli yangi yulduzlar bir kechada chiqib ketishi mumkin bo‘lgan realiti-shoularni “hardkor sahna” sifatida satira qilgan “Sahna”, xayoliy qahramonni qo‘llab-quvvatlovchi “Dunyoning orqa tomoni”, tuyg‘ular tinchlanmaydigan tunni ifodalovchi “Shishgan tun” kabi taronalardan o‘tib, “Hozir shu yerda yashayotgan” hissini ifodalovchi “Qish, deraza” taronasi bilan yakunlanadi. “Bir necha yil ichida hamma pandemiya kabi katta voqeani bir vaqtda boshdan kechirdi va shaxsan o‘zim ham yaqinlarimning hamda o‘zimning ruhiy salomatligim naqadar muhimligini bir necha bor his qildim. Men atrofimdagi manzaraning yagona umid ekanligini biroz angladim. Shuningdek, ‘imkon qadar ko‘proq go‘zalliklarni ko‘rishga harakat qilaman’ degan insonning gaplarini tushundim. Ilgari eng zerikarli deb hisoblagan narsam eng muhim mavzuga aylandi. Shuning uchun bu musiqalar xuddi manzara rasmi kabi kimdir uchun ma’noli, kimdir uchun esa oddiy kundalik manzara bo‘lib tuyulishi mumkin. Biroq men o‘zimga ma’noli tuyulgan sahnalarga ishongan holda bu qo‘shiqlarni yozdim. ‘Saqlangan manzara’ iborasini keyinchalik qo‘shiqlarni tanlab, guruhlaganimdan so‘ng qo‘shdim. Bu yaxshi ma’noda ‘asrab qolingan manzara’ degani, lekin shu bilan birga qalbda oson o‘chmaydigan ‘eski sahnalar’ ma’nosini ham anglatadi. Men shu ikki narsani avlodimiz boshidan kechirayotgan ko‘p voqealarning ham sababi, ham yechimi deb bildim”. [Saqlangan manzara] albomida ko‘plab hamkasb musiqachilar ishtirok etgan. Lee Dong-jun (bas), Ko Jin-su (piano, klavish), Hong Gap (gitara), Oh Hyung-seok (baraban), Jo Yun-jung (skripka, viol), Lee Bo-eun (oboey) kabi musiqachilar ijro etgan bo‘lsa, Kim Ji-won, Do Pian, Yun Ju-mi, Lee Ho-seok, Hwang Pu-ha xor jamoasida ishtirok etishgan. Shuningdek, leybl hamkasbi singer-songrayter Dajong “Shahar sayri”da, Gypsy and Fish Orchestra a’zosi Lee Ho-seok “Kunduz oyi”da va yosh singer-songrayter Do Pian “Dunyoning orqa tomoni” taronalarida vokalchi sifatida ishtirok etgan. Diskografiya Cabinet Sing-alongs 1-albom [Little Fanfare] (2006) Kim Mokin 1-albom [Musiqachining o‘z qo‘shiqlari] (2011) V.A [Seoul Seoul, Seoul] “Ehtiros dizayneriga” ishtirok (2012) V.A [Electric Muse 5th Anniversary] “She’r deganda” ishtirok (2012) Kim Mokin + Big Baby Driver [Mulohazali tun] raqamli singl (2012) Kim Mokin 2-albom [Bir dasta nigohlar] (2013) Kim Mokin 3-albom [Kollabo janobining bir kuni] (2017) V.A [Electric Muse 10th Anniversary] “Uni qidirmang” ishtirok (2017) OST [Biz tug‘ilgan joy] “Hozir shu yerda” ishtirok (2018) V.A [Sohlab bering – Uchinchi qo‘shiqlar] “Buvining sayri” ishtirok (2019) V.A [Kutilgan dengiz] “Beachcombing” ishtirok (2019) Kim Mokin 4-albom [Saqlangan manzara] (2022) Matn, musiqa, aranjman: Kim Mokin Prodyuser: Kim Min-gyu Yozuv: Barabanlar Chun Hak-ju @Mushroom Recordings Piano Lee Jae-myung @JM Studio Boshqalar Kim Min-gyu @Electric Muse Studio Miks: Oh Jung-gyun Mastering: Kang Seung-hee @Sonic Korea Muqova san’ati: Kim Yu-in Illyustratsiya: Kim Mokin Kimmokin.com www.facebook.com/kimmokin/ twitter.com/mokin_ism maily.so/kimmokin electricmuse.bandcamp.com electricmuse@naver.com