WINNER 3rd MINI ALBUM [CROSS]
អាល់ប៊ុម [CROSS] លើកនេះ បង្ហាញពីទំនាក់ទំនងរបស់សមាជិកទាំង ៤ នាក់ ដែលមានទិសដៅ និងលក្ខណៈពិសេសរៀងៗខ្លួន បានមកប្រសព្វគ្នា (X) ហើយបង្កើតបានជាការរួមបញ្ចូលគ្នា (+) ថ្មី ក្រោមឈ្មោះថា ‘WINNER’ ដើម្បីបង្កើតជាទិសដៅថ្មី ព្រមទាំងផ្ទុកនូវតន្ត្រី និងសាច់រឿងដែលមានតែ WINNER តែប៉ុណ្ណោះដែលអាចមាន។
បទចម្រៀងចម្បង ‘SOSO’ គឺជាស្នាដៃសហការរវាងប្រធានក្រុម Kang Seung-yoon និង AiRPLAY ដែលបានបង្ហាញពីសភាព ‘ធម្មតាៗ’ ឬ ‘SOSO’ ដែលព្យាយាមធ្វើពុតជាមិនអី បើទោះបីជាក្នុងចិត្តកំពុងតែបោកបក់ដោយការឈឺចាប់ និងកំហឹងក្រោយការបែកគ្នាក៏ដោយ។ គេរំពឹងថានឹងបានឃើញនូវ ‘អារម្មណ៍រដូវស្លឹកឈើជ្រុះបែប WINNER’ ដែលផ្ទុយពី ‘រដូវក្ដៅ’ និង ‘ភាពស្រស់ស្រាយ’ ដែលធ្លាប់តែជាតំណាងនៃតន្ត្រីរបស់ ‘WINNER’ កន្លងមក។
នៅក្នុងអាល់ប៊ុម [CROSS] នេះ ក៏មានរួមបញ្ចូលនូវបទ ‘FLAMENCO’ ដែលជាបទសូឡូផ្លូវការដំបូងរបស់ Lee Seung-hoon, បទសូឡូរបស់ Kang Seung-yoon គឺ ‘WIND’ និងបទ ‘Nod’ ដែលផលិតដោយ Song Min-ho ផងដែរ។ ក្រៅពីបុគ្គលិកលក្ខណៈតន្ត្រីដ៏ច្បាស់លាស់ដែលសមាជិកម្នាក់ៗមានក្នុងនាមជាសិល្បករសូឡូ អ្នកក៏អាចទទួលយកបាននូវសមត្ថភាពរបស់សមាជិកដែលមិនឈប់ឈរក្នុងការរីកចម្រើនផ្នែកតន្ត្រីតាមទិសដៅផ្សេងៗគ្នា។
គួរឱ្យរំភើបក្នុងការរង់ចាំមើលថា តើពួកគេដែលរួមគ្នាជាតែមួយក្រោមឈ្មោះ ‘WINNER’ និងរីកសាយភាយទៅតាមពណ៌ និងមន្តស្នេហ៍ផ្សេងៗគ្នានឹងបង្ហាញ ‘ប្រភេទតន្ត្រីផ្ទាល់ខ្លួនរបស់ WINNER’ តាមរយៈការរួមបញ្ចូលគ្នា (+) ថ្មីបែបណាទៀត។
អាល់ប៊ុមមីនីទី៣ របស់ WINNER [CROSS] នឹងត្រូវចេញផ្សាយជាពីរជំនាន់គឺ CROSSLIGHT VER. និង CROSSROAD VER. ដែលមានរូបភាពក្នុងសៀវភៅរូបថត (Photobook) និងរូបភាពពិសេសៗខុសគ្នា។ ក្រៅពី CD ដែលមាន ៦ បទ និងសៀវភៅរូបថតដែលមានរហូតដល់ ១៣៦ ទំព័រ វាក៏មានរួមបញ្ចូលនូវឈុតសន្លឹកប័ណ្ណ (Postcard set), ឈុតរូបថត Polaroid និងកាតរូបថតពិសេស (Random Rare Special Photocard) ដែលជា រូបថតដែលសមាជិកបានថតដោយផ្ទាល់ ដែលធ្វើឱ្យវាកាន់តែមានតម្លៃសម្រាប់ការប្រមូលទុក។
អាល់ប៊ុម [CROSS] នឹងចាប់ផ្ដើមបើកទទួលការកក់ទុកចាប់ពីថ្ងៃទី ១៧ ខែតុលា ហើយនឹងមានលក់នៅតាមហាងលក់តន្ត្រីទាំងអនឡាញ និងហាងផ្ទាល់ទូទាំងប្រទេសចាប់ពីថ្ងៃទី ២៩ ខែតុលា តទៅ។
