- ကမ္ဘာလုံးဆိုင်ရာရေပန်းစားနေသော Performance Idol အဖွဲ့ ATEEZ
- စီးရီးအသစ်တစ်ခု၏ အစ၊ အဖျားတက်နေသော အခိုက်အတန့်များကို ပုံဖော်ထားသည့် [ZERO : FEVER Part.1] ထွက်ရှိလာပြီ!
- ‘THANXX’ နှင့် ‘INCEPTION’ Double Title သီချင်းများဖြင့် ATEEZ ၏ ကိုယ်ပိုင် Youth Culture အသစ်ကို ကြိုတင်အသိပေးလိုက်ပြီ!
ကမ္ဘာလုံးဆိုင်ရာရေပန်းစားနေသော Performance Idol အဖွဲ့ ATEEZ သည် ၎င်းတို့၏ ပဉ္စမမြောက် Mini Album [ZERO : FEVER Part.1] ဖြင့် ပြန်လည်လာပြီဖြစ်သည်။
ATEEZ သည် ပြီးခဲ့သည့် ဇန်နဝါရီလတွင် ပြီးဆုံးခဲ့သော [TREASURE စီးရီး] ဖြင့် အမေရိကန်နှင့် ကနေဒါ အပါအဝင် စုစုပေါင်း ၃၆ နိုင်ငံ၏ iTunes Overall Album Chart တွင် နံပါတ် ၁၊ Gaon Album Chart တွင် နံပါတ် ၁၊ Hanteo Global Chart တွင် နံပါတ် ၁ ရရှိခဲ့ပြီး၊ 2019 MAMA ၏ ‘Worldwide Fans' Choice’ နှင့် ၃၄ ကြိမ်မြောက် Golden Disc Awards ၏ ‘Next Generation’ ဆုများကို ရရှိခဲ့ကာ၊ ပွဲထွက်ပြီးနောက် အချိန်တိုအတွင်း အံ့မခန်း ကြီးထွားလာမှုကို ပြသနိုင်ခဲ့သည်။ ခိုင်မာသော ဇာတ်လမ်းအသွားအလာ၊ ထူးခြားသော Concept နှင့် ဂီတတို့ကြောင့် ပရိသတ်များစွာ၏ အချစ်ကို ရရှိခဲ့သဖြင့် ATEEZ ၏ စီးရီးအသစ်ဖြင့် Comeback လုပ်မည့်သတင်းသည် အထူးစိတ်ဝင်စားစရာ ဖြစ်လာခဲ့သည်။
ယခင်က ATEEZ သည် ရုပ်ရှင်တစ်ကားကြည့်ရသကဲ့သို့ ၁၆ မိနစ်ကြာမြင့်သော [ZERO : FEVER Part.1] ‘Diary Film’ ကို ထုတ်ဝေခဲ့ပြီး၊ ယခုစီးရီးမှတစ်ဆင့် ဖွင့်ဟမည့် ဇာတ်ကြောင်းအသစ်အပေါ် မျှော်လင့်ချက်များကို ပိုမိုမြင့်တက်စေခဲ့သည်။
[အဖျားတက်ခြင်း၏ အစ]
[ZERO : FEVER Part.1] တွင် ‘TREASURE’ ဆီသို့ ခရီးမထွက်ခွာမီ ကြုံတွေ့ခဲ့ရသော ဇာတ်လမ်းများကို ရေးသားထားသည်။ နှလုံးခုန်သံနောက်သို့ လိုက်ရင်း တစ်ယောက်ပြီးတစ်ယောက် စုစည်းလာကာ ရှစ်ယောက်ဖြစ်လာသော လူငယ်များသည် လောက၏ အပေးအယူများနှင့် ယဉ်ပါးအောင် လုပ်ဆောင်မှုများမရှိသော ၎င်းတို့ကိုယ်ပိုင် ပုန်းခိုရာနေရာတွင် အိပ်မက်များကို ပျိုးထောင်ခဲ့ကြသည်။ ပျော်ရွှင်စရာ အခိုက်အတန့်မှာ ခဏတာသာဖြစ်ပြီး၊ ၎င်းတို့ကို ချိတ်ဆက်ပေးခဲ့သော အိပ်မက်သည် လက်တွေ့ဘဝနှင့် ရိုက်ခတ်ကာ ရှစ်ပိုင်းအဖြစ် ကွဲကြေသွားခဲ့သည်။ ထို့နောက် မိမိတို့၏ နေရာအသီးသီးတွင် ကိုယ်စီအဖျားတက်ကာ ပူလောင်နေသော လူငယ်များသည် တစ်စုံတစ်ခု၏ ဆွဲဆောင်မှုကြောင့် နှလုံးခုန်သံ စတင်ခဲ့သော ထိုနေရာသို့ ပြန်လည်ရောက်ရှိလာကြသည်။
ကျွန်ုပ်တို့သည် ဘဝတွင် တစ်ကြိမ်၊ သို့မဟုတ် အကြိမ်ပေါင်းများစွာ အဖျားတက်သော အခိုက်အတန့်များကို ကြုံတွေ့ရတတ်သည်။ ၎င်းသည် ဘဝ၏ အရေးကြီးဆုံး အခိုက်အတန့်ဖြစ်ပြီး အားအင်အရှိဆုံး အချိန်လည်း ဖြစ်ပေလိမ့်မည်။ သို့သော် လက်တွေ့ဘဝနှင့် ရိုက်ခတ်မှုကြောင့် သို့မဟုတ် မိမိကိုယ်တိုင်ကြောင့် အေးစက်သွားသော နှလုံးသားကို ပိုက်ပြီး ရှင်သန်နေကြရသည်။ ငါတကယ် အလိုရှိတာ ဘာလဲ။ အတင်းအကြပ် မျက်ကွယ်ပြုပြီး မေ့ထားခဲ့ခြင်းလား။ အဖွဲ့ဝင်များ၏ ပြီးခဲ့သောနေ့ရက်များမှ မှတ်တမ်းများသည် ကျွန်ုပ်တို့၏ စိတ်နှလုံးကို ပြန်လည်သတိရစေသည်။ ဘဝ၏ အပူဆုံး အခိုက်အတန့်များကို ပြန်လည်သုံးသပ်ရင်း။
[ATEEZ’s YOUTH CULTURE]
‘မိမိနှစ်သက်သောအရာကို လုပ်ဆောင်ချိန်တွင်မှ စစ်မှန်သော မိမိကိုယ်တိုင် ဖြစ်လာသည်’ ဟု အဖွဲ့ဝင်များသည် အခြားသူများ သတ်မှတ်ထားသော စည်းမျဉ်းစည်းကမ်းများကို ကျော်လွန်ပြီး လမ်းသစ်တစ်ခုကို ပြသကြသည်။ ထို့ပြင် ၎င်းတို့သွားသောလမ်းသည် မကြာမီ လူတိုင်းအတွက် စံနှုန်းတစ်ခု ဖြစ်လာပေလိမ့်မည်။ ယခုအယ်လ်ဘမ်တွင် ATEEZ သည် ဂီတ၊ Performance အစရှိသည်ဖြင့် ယခင်လက်ရာများတွင် မတွေ့ခဲ့ရသော Style များဖြင့် ATEEZ ၏ ကိုယ်ပိုင် Youth Culture အသစ်ကို ပုံဖော်သွားမည်ဖြစ်သည်။ ယခုအယ်လ်ဘမ်တွင် Double Title သီချင်းများဖြင့် ပိုမိုအဆင့်မြင့်လာသော ATEEZ ၏ ဆန်းသစ်ပြီး စုံလင်သော ဆွဲဆောင်မှုများကို တွေ့ရှိနိုင်မည်ဖြစ်သည်။ Music Video နှင့် Jacket ပုံများတွင် အဖွဲ့ဝင်များသည် ၎င်းတို့၏ ကိုယ်ပိုင်ပုံစံဖြင့် တစ်ဦးချင်းစီ၏ ထူးခြားချက်များကို ဖော်ပြထားပြီး၊ နောင်တွင် ၎င်းတို့ဦးဆောင်မည့် Youth Culture သည် မည်သို့သော ပုံစံဖြစ်လာမည်ကို များစွာမျှော်လင့်စေပါသည်။
ပထမ Title သီချင်း ‘THANXX’ သည် Hip-hop ကို အခြေခံထားသော Pop အမျိုးအစား သီချင်းဖြစ်ပြီး၊ မိမိတို့၏ စံနှုန်းသာလျှင် အမှန်တရားဟု အော်ဟစ်နေသူများထံသို့ ATEEZ က ပြန်လည်ဖြေကြားသော သီချင်းဖြစ်သည်။ Latin ပုံစံ Guitar line က သီချင်းတစ်ခုလုံး၏ လေထုကို ဦးဆောင်နေပြီး၊ ဟာသနှောသော စာသားများက သီချင်းကို ပိုမိုနားထောင်လို့ကောင်းစေသည်။ ပြင်းထန်သော Chorus နှင့်အတူ ပေါ်ထွက်လာသော Performance သည် ATEEZ ၏ ကြမ်းတမ်းပြီး လွတ်လပ်သော ဆွဲဆောင်မှုကို အထင်အရှား ပြသနေသည်။
ဒုတိယ Title သီဇင်း ‘INCEPTION’ သည် Urban Style EDM ဖြစ်ပြီး၊ အိပ်မက်ထဲတွင် အိပ်မက်မက်နေသကဲ့သို့ လက်လှမ်းမမီနိုင်သော တည်ရှိမှုတစ်ခုအပေါ် တောင့်တမှုကို ဖော်ပြထားသော သီချင်းဖြစ်သည်။ ပြင်းထန်သော Beat ပေါ်တွင် စိတ်ခံစားမှုရှိသော Melody အတိုင်း ဇာတ်ကြောင်းက စီးဆင်းသွားပြီး၊ ၎င်းကို သိမ်မွေ့စွာ ဖော်ပြနိုင်သော အဖွဲ့ဝင်များ၏ ခံစားချက်များကို တွေ့မြင်နိုင်သည်။ နူးညံ့မှုနှင့် ပြင်းထန်မှုတို့အကြား ကူးပြောင်းသွားပြီး ယခင်က မတွေ့ခဲ့ရသော အဖွဲ့ဝင်များ၏ အိပ်မက်ဆန်ပြီး လွမ်းမောဖွယ် လူငယ်ဆန်သော အလှတရားကို ခံစားရမည်ဖြစ်သည်။
