អាល់ប៊ុម Mini ទី 9 របស់ ‘Apink’ 【LOOK】
‘Dumhdurum’ របស់ Apink ដែលផ្ដោតសំខាន់តែលើ ‘រូបខ្ញុំ’
រឿងរ៉ាវផ្ទាល់ខ្លួនរបស់ Apink ដែលនឹងបង្ហាញអ្វីៗគ្រប់យ៉ាងតាមតែសេចក្ដីពិត
បន្ទាប់ពីបទ ‘%% (Yes Yes)’ កាលពីខែមករាឆ្នាំមុន ដែលបានបង្ហាញពីសក្ដានុពលមិនចេះរីងស្ងួតរបស់ Apink, ពេលនេះ Apink បានចេញអាល់ប៊ុម Mini ទី 9 【LOOK】 បន្ទាប់ពីរយៈពេល ១ ឆ្នាំ និង ៣ ខែ។
អាល់ប៊ុម 【LOOK】 លើកនេះ បានកំណត់គំនិតរួម (Concept) គឺ ‘រូបខ្ញុំ’ ដែលមានអត្ថន័យថា ‘ស្រឡាញ់រូបខ្ញុំដូចដែលខ្ញុំមាន និងរស់នៅតាមអ្វីដែលខ្ញុំបានឃើញ’ ហើយបទចម្រៀងក្នុងអាល់ប៊ុមនេះក៏បានបញ្ចូលនូវសាច់រឿងដែលផ្ដោតលើ ‘រូបខ្ញុំ’ ផងដែរ។ លើសពីនេះ វាក៏មានបញ្ចូលនូវបទចម្រៀង Unit ដែលអាចបង្ហាញពីសេចក្ដីទាក់ទាញរបស់ Apink ឱ្យកាន់តែខ្លាំង ដែលធ្វើឱ្យអ្នកគាំទ្រមានការរំពឹងទុកយ៉ាងខ្លាំង។
បទចម្រៀងគោលនៃអាល់ប៊ុម Mini ទី 9 【LOOK】 គឺបទ ‘Dumhdurum’ ជាស្នាដៃនិពន្ធរបស់ Producer Black Eyed Pilseung និង Jeon Gun ដែលធ្លាប់បានបង្ហាញពីភាពស៊ីសង្វាក់គ្នាដ៏អស្ចារ្យជាមួយ Apink តាមរយៈបទ ‘1 Degree’ និង ‘%% (Yes Yes)’ ហើយបានជួយជំរុញការផ្លាស់ប្តូររបស់ Apink យ៉ាងខ្លាំង។ វាគឺជាបទរាំ (Dance song) ដែលមានការរួមបញ្ចូលគ្នារវាងមេឡូឌីដែលគួរឱ្យជក់ចិត្ត និង Synth lead ហើយពាក្យថា ‘Dumhdurum’ ត្រូវបានប្រើដើម្បីបង្ហាញពីអារម្មណ៍ដែលនៅតែស្ងប់ស្ងាត់ (덤덤하다) នៅចំពោះមុខសេចក្ដីស្រឡាញ់ដែលបានចាកចេញទៅ។ ជាមួយនឹង Hook ដែលគួរឱ្យជក់ចិត្ត និងមេឡូឌីដែលមានលក្ខណៈបែបអេស្ប៉ាញលាយជាមួយអារម្មណ៍បែបបូព៌ា បានបង្ហាញពីពណ៌សម្បុថ្មីរបស់ Apink ដែលធ្វើឱ្យបទនេះមានភាពទាក់ទាញយ៉ាងខ្លាំង។
ក្រៅពីបទចម្រៀងគោល អាល់ប៊ុមនេះក៏មានរួមបញ្ចូលបទចម្រៀងសរុបចំនួន ៧ បទទៀតគឺ៖ “Yummy” ដែលជាបទ R&B Dance បង្ហាញពីសេចក្ដីស្រឡាញ់តាមរយៈរសជាតិដ៏ផ្អែមល្ហែមយ៉ាងវៃឆ្លាត, “Be Myself” ដែលជាបទ Unit របស់ Chorong, Eunji និង Namjoo ដែលបង្ហាញពីឆន្ទៈក្នុងការបំភ្លេចការឈឺចាប់នៃសេចក្ដីស្រឡាញ់ដែលបានកន្លងផុតទៅ ហើយរស់នៅជាខ្លួនឯង, “Love is Blind” ដែលជាបទ Unit របស់ Bomi, Naeun និង Hayoung ដែលបង្ហាញពីអារម្មណ៍ពេលធ្លាក់ក្នុងអន្លង់ស្នេហ៍យ៉ាងគួរឱ្យស្រឡាញ់, “Overwrite” ដែលជាបទ R&B Ballad បង្ហាញយ៉ាងលម្អិតពីភាពស្ងប់ស្ងាត់នៅចំពោះមុខការបែកបាក់ ដោយគ្របដណ្ដប់លើការចងចាំចាស់ៗ, “I Love Every Moment of You” ដែលជាបទចម្រៀងសម្រាប់អ្នកគាំទ្រក្នុងឱកាសខួប ៩ ឆ្នាំ ដែលច្រៀងអំពីពេលវេលារបស់ Apink និងអ្នកគាំទ្រដែលបានបង្កើតឡើងក្នុងរយៈពេល ៩ ឆ្នាំ, និងបទ “Everybody Ready?” ដែលត្រូវបានចេញផ្សាយដើម្បីអបអរសាទរខួប ៨ ឆ្នាំនៃការ an debut។
